Доделување на признание за крводарителство

Црвен крст Крива Паланка доби признание за успешно исполнување и надминување на планот за крводарителство во 2024 година, што претставува силен показател за посветеноста, одговорноста и хуманоста на заедницата.

Овој значаен успех им припаѓа на сите доброволни крводарители – хумани, храбри и несебични граѓани кои со својата дарежливост спасуваат животи и ја одржуваат традицијата на дарување крв.

Од организацијата изразуваат искрена благодарност до сите кои придонесоа кон овој резултат, нагласувајќи дека токму ваквата солидарност докажува дека хуманоста нема граници.

Признанието претставува дополнителен поттик за понатамошна работа, со цел да се задржи истиот ентузијазам и да се мотивираат нови крводарители да се приклучат кон оваа благородна мисија.