Меѓународна соработка

Една од примарните задачи на Црвен крст Крива Паланка претставува ефективно и континуирано градење на партнерски односи и соработка преку имплементација на програмски и проектни активности со партнерски организации насочени за помош и поддршка на различни целни групи. Во изминатиот период, Црвениот крст на Република Северна Македонија Општинска организација Крива Паланка континуирано го надградува свој препознатлив имиџ во Република Северна Македонија и Движењето. Разновидноста на нашата организација има голема практична вредност која ни овозможува да стигнеме до повеќе луѓе со поширок опсег на активности. Најважниот предизвик за организацијата е обезбедување континуитет на планот на меѓународна програмска и проектна поддршка за имплементација на активностите на локлално и национално ниво. Тоа се остварува преку иновативно, транспарентно и ефикасно работење за да се задржи интересот на партнерските организации за мобилизирање и обезбедување фондови за имплементација на програми и проекти на Црвениот крст на Република Северна Македонија.

Постигнуваната и воспоставената добра соработка со партнерските организации се добар предуслов Црвен крст Крива Паланка, да продолжи да имплементира разновидни проекти и програми финансирани од меѓународни донатори за повеќе ранливи категории на население во локалните заедници, како и за организациски развој. Програмските и проектни содржини обезбедени со меѓународна поддршка се интегрален дел на презентираните програмски дејности во овој документ.

Црвен крст Крива Паланка остварува меѓународна соработка со повеќе меѓународни организации и национални друштва на Црвен крст и Црвена полумесечина по пат на заеднички проекти, хуманитарни акции и размена на позитивни искуства. Примарна цел на меѓународната соработка е размена на искуства и имплементација на заеднички активности како и обезбедување на проектна и програмска поддршка за обезбедување услуги и опслужување на различни категории на корисници.

Меѓународната соработка е насочена кон подобрување на капацитетите на националното друштво за поефикасно извршување на својата хуманитарна мисија во Република Северна Македонија и светот во своите напори за обезбедување и укажување на помош за најранливите категории на население.

Црвен крст на Црвениот крст на Република Северна Македонија има потпишано протоколи за билатерална соработка со повеќе национални друштва на Црвен крст и Црвена полумесечина кои ја уредуваат програмската соработка на националните друштва на национално и општинско ниво.

со Бугарски Црвен крст / Протокол за соработка потпишан на 16.09.1994

СОРАБОТКА СО МЕЃУНАРОДНИ ИНСТИТУЦИИ И ОРГАНИЗАЦИИ

• Бугарски црвен крст – Град Ќустендил
• Црвен крст на Србија – Град Ниш