Посета од Детската градинка ,,Детелинка” во Центарот за дневен престој на стари лица со активно стареење

Во организација на Црвен крст Крива Паланка на 04.03.2026 година во чест на празникот 8 Март, се одржа топла и емотивна средба меѓу најмладите и највозрасните граѓани на Крива Паланка. Децата од Детска градинка ,, Детелинка ” го посетија Центарот за дневен престој на стари лица со активно стареење, каде што донесоа радост, внимание и искрени насмевки. Со својата посета тие им подарија на корисниците рачно изработени цвеќиња, изразувајќи љубов, почит и грижа кон повозрасната генерација.
Настанот уште еднаш покажа дека токму преку вакви средби се градат мостови меѓу генерациите – мостови на разбирање, почит и меѓусебна поддршка. Воедно, ваквите активности го поттикнуваат духот на активно, достоинствено и исполнето стареење кај повозрасните граѓани.

Малите раце навистина можат да создадат големи пораки на љубов и хуманост.