Учество на волонтери од Црвен крст при одбележување на Бадник на градскиот плоштад

Во чест на Бадник, на ден 06.01.2026 година, Општинската организација на Црвен крст Крива Паланка, во соработка со Општина Крива Паланка, активно учествуваше во одбележувањето на празникот на градскиот плоштад. Со ангажман на шест волонтери, Црвениот крст помогна во дистрибуцијата на бадникарски пакетчиња и во организацијата на детската поворка која ја збогати празничната атмосфера со бадникарски песни.

Детската поворка и делењето на пакетчињата создадоа топла и празнична атмосфера, а учеството на Црвениот крст ја нагласи хуманитарната улога и заложбата за поддршка на локалната заедница и промоција на традиционалните вредности.

Настанот претставуваше и можност за волонтерите да го покажат својот ангажман и посветеност кон општествено корисни активности, поттикнувајќи ги младите да учествуваат во хуманитарни и културни настани.